Flow/UTS ta komprometé pa hasi e eksperensia den su tiendanan aun mas agradabel

Flow/UTS a introdusí un rei spesial pa klientenan di edat mas haltu na su tiendanan na Saliña, Gosieweg i Renaissance store.

E lider den telekomunikashon di e isla a reforsá su tim den e tiendanan dor di añadí ‘hostess’ ku ta asistí klientenan for di momento ku nan ta den rei.

“Nos ta komprometé pa proveé e mihó eksperensia di servisio na nos klientenan den Karibe Hulandes i e inisiativa en partikular aki ta pa proveé un medida di komodidat i efisiensia adishonal pa klientenan di 60 aña bai ariba,” Sulacia Evans, Customer Experience Manager pa Flow/UTS Kòrsou, a indiká.

“Den e simannan tras di lomba, nos a risibí feedback balioso for di klientenan i nos a skucha. E satisfakshon di nos klientenan ta nos prioridat mas haltu i nos ta dediká na mehorá tur aspekto di nos eksperensia pa ku e kliente. Nos a tuma nota di mehorashon signifikativo, espesialmente awor ku nos tim ta asistí nos klientenan for di momento ku nan ta den rei.”

Evans a indiká ku e kompania ta den proseso pa renobá i mehorá e manera ku ta brinda e mihó servisio na kliente posibel.

“Nos sa e motibunan prinsipal pa kua klientenan ta bishitá nos na Stores òf ta yama nos sentro di kontakto pa resolvé un difikultat. Pues nos ta trahando riba diferente maneranan pa nos guia nos klientenan sin ku nan mester warda den rei ora yama, òf mester bishitá nos físikamente na un lokalidat. Esaki espesialmente awor den e pandemia aki kaminda nos ta purba limitá e tráfiko den nos tiendanan,” el a indiká.

»Return to Press Releases