Den e enkuesta independiente ‘Best of the Best' di korant Amigoe Express, den kua pueblo di Kòrsou libremente por a skohe ‘e mihónan’ di diferente, negoshi, empresa, restorant i muchu mas, UTS a ser skohé di forma indiskutibel ku gran mayoria di voto, komo e mihó proveedor di Telekomunikashon di Kòrsou pa di 5 aña konsekutivo. Un logro ku ta yena staf i personal kompleto di nos kompania UTS ku gran orguyo i gradisimentu. Ku humildat nos ta yama ABO ku a kere den nos DANKI pa bo sosten.
Kada kliente, kada siudadano a husga pa su mes i pueblo di Kòrsou a papia un palabra kla. Nos ta keda number 1, basá riba bo eskoho, bo eksperiensha i bo apresio. Nos kompania, nos empleadonan, no opstante ki sirkunstansia, lo keda sirbi nos klientenan ku plaser, dedikashon i amor. E logro aki, ta un empuhe pa nos kada unu sigui mehorá i duna e mihó di nos mes pa nos sigui desaroyá; un impulso pa sigui pa dilanti sirbiendo komunidat.
Un PABIEN tambe ta bai pa nos koleganan di TeleCuraçao Nicole Maduro i Tito Doran, kendenan respektivamente a ser skohé komo nr. 1 i nr. 2 den e kategoria 'Best TV Host'. Nos ta sumamente orguyoso di nan. Sigui ku e bon trabou, sigui bria!
Nos ta kla pa selebrá e logro aki huntu ku ABO ku ta kere den UTS. P’esei, pa selebrá e echo ku pa di 5 aña konsekutivo nos a keda skohé komo É nr. 1, nos ta ofresé 5 dia largu diferente specials, pues prepará! Nos ta kuminsá e selebrashon aki dunando ABO ku a skohe NOS komo number 1, e oportunidat pa ABO skohe BO number 1 un biaha mas, pero e biaha aki relashoná ku nos gran Marcha di Karnaval. UTS ta pone ANG 10.000disponibel p’e grupo ku haña mas tantu voto, skohé dor di pueblo di Kòrsou, esta ABO, komo e grupo di aña, patrosiná pa UTS. Abo ku vota tambe tin chèns di gana premio! Nos lo rifa un premio di ANG 2500 bou di tur persona ku a vota! Den e siman benidero nos lo anunsiá kon pa partisipá ku bo voto i tambe mas oferta i kampaña p'e temporada di karnaval.
Mas aleu, UTS ta konsiente di su ròl den nos komunidat i ta sinti e responsabilidat pa aportá den edifikashon di nos komunidat. P’esei, durante e siman benidero, nos ta ranka sali ku e kampaña 'NO MAS BULLYING' den kua nos ta pidi pueblo di Kòrsou pa yuda nos karga i bringa kontra di tur lokual por ser konsiderá komo ‘Bullying’. Awor mas ku nunka nos pais mester di union, komprenshon, rèspèt i solamente demostrashon di apresio i balor pa ku otro. UTS ta bisa BASTA na tur lokual ta destruí, krea desunion i kibra. Pues lanta para huntu ku UTS i abo tambe mustra ku ya #NoMas! Keda pendiente pa mas di e kampaña di informashon i konsientisashon aki.
© 2017 UTS N.V. All rights reserved.